සංචාරක ශ්‍රී ලංකා කණ්ඩායම සහ එංගලන්ත කණ්ඩායම අතර පැවැත්වෙන ටෙස්ට් ක්‍රිකට් තරඟාවලියේ දෙවන තරඟයේ පළමු දිනයේ සම්පූර්ණ ගෞරවය දිනා ගැනීමට ජෝ රූට් ප්‍රමුඛ එංගලන්ත කණ්ඩායම සමත් වුණා.
කාසියේ වාසිය දිනා ගත් ශ්‍රී ලංකා කණ්ඩායමේ ආරාධනයෙන් පළමුව පන්දුවට පහර දුන් එංගලන්ත කණ්ඩායම දිනය නිමා වන විට කඬුලු 07ක් දැවී ලකුණු 358ක් ලබා සිටියා.
සුපිරි ඉනිමක් ක්‍රීඩා කළ ජෝ රූට් ලකුණු 143ක් ලබා ගත් අතර පන්දු 81කදී වේගවත් ලකුණු 74ක් රැස් කළ ගස් ඇට්කින්සන් නොදැවී පන්දුවට පහර දෙමින් සිටිනවා.
ශ්‍රී ලංකා කණ්ඩායම වෙනුවෙන් ලහිරු කුමාර, මිලාන් රත්නායක සහ අසිත ප්‍රනාන්දු කඬුලු 02 බැගින් දවා ගත්තා.