බිරිඳ මැරූ ලාංකිකයා ඕස්ට්‍රේලියාවේදී වරදකරු වෙයි!

ඕස්ට්‍ර්ලියාවේ මෙල්බර්න්හිදී තම බිරිඳ කපා කොටා ඝාතනය සඳහා ක්‍රියා කළ බව කියන ශ්‍රී ලාංකිකයෙකු මිනීමැරුම් චෝදනාවට වරදකරු වී තිබෙනවා.

වික්ටෝරියානු ශ්‍රේෂ්ඨාධිකරණ ජූරි සභාවක් මිනීමැරුම සම්බන්ධයෙන් 47 හැවිරිදි දිනුෂ් කුරේරා වරදකරු කිරීමට පෙර පැය තුනකට ආසන්න කාලයක් ගත කළ බව සඳහන්.

ඔහුගේ බිරිඳ නෙලෝමි පෙරේරාගේ මරණය සම්බන්ධයෙන් ඔහු මාසයක නඩු විභාගයකට මුහුණ දෙනු ලැබුවා.

2022 දෙසැම්බර් 3 වන දින ඇයව ඝාතනය කළ බව කුරේරා පිළිගත් නමුත් මිනීමැරුම සම්බන්ධයෙන් නිවැරදිකරු බව කියා සිටි අතර ඔහු ආත්මාරක්ෂාව සඳහා ක්‍රියා කළ බව ප්‍රකාශ කරනු ලැබුවා.

නඩු විභාගය අතරතුර, යුවළගේ නව යොවුන් වියේ දරුවන් දෙදෙනා තම මවගේ අවසන් මොහොත ගැන සාක්ෂි ලබා දුන්නා.

ඝාතනය සිදු වූ වසරේ 16 හැවිරිදි වියේ පසුවූ ඔවුන්ගේ දියණිය පැවසුවේ කුරේරා පොරවකින් සන්නද්ධව තම නිවසට පැමිණ පොලිසියට දැනුම් දුන්නොත් දේපළ ගිනි තබන බවට තර්ජනය කළ බවයි.

ඇය පහළට එන විට ඇගේ මව හිසෙන් ලේ ගලමින් සිටි බව ඇය කියා සිටියා. ඇගේ සහෝදරයා පළා යාමට උත්සාහ කළ විට, කුරේරා පොරව සමඟ ඔහු පසුපස ලුහුබැඳ ගිය බව ඇය වැඩිදුරටත් ප්‍රකාශ කළා. ඇය ජූරි සභාවට පැවසුවේ ඇය නාන කාමරයට දිව ගොස් හදිසි ඇමතුම් සඳහා උත්සාහ කළ නමුත් ඇමතුම් සම්බන්ධ නොවූ බවයි.

ඇයට තම මවගේ කෑගැසීම ඇසුණු නිසා ඇය නැවතත් කුස්සියට දිව ගිය බවත් කුරේරා පොරොවක් අතැතිව තම මව මත සිටිනු දුටු බවත් ඇය ප්‍රකාශ කර තිබුණා. මවගේ උදව් ඉල්ලා කෑ ගැසීමේ හඬපටයක් ද ජූරි සභාවට ඉදිරිපත් කෙරුණා.

අනතුරුව කුරේරා පිහියක් ගෙන එය සහ පොරව යොදාගෙන සිය මවගේ බෙල්ලට සහ පපු පෙදෙසට නැවත නැවතත් පහර දී පිහියෙන් ඇන්න බව දියණිය ඇය කියා සිටියා.

ඇය අසල්වැසියන් වෙත දිව ගොස් ආධාර ඉල්ලා සිටින අයුරු ද සීසීටීවී දර්ශන මගින් ජූරි සභාව වෙත ඉදිරිපත් කෙරුණා.

කුරේරා සිය නඩු විභාගය අතරතුර ස්ථාවරය ගත් අතර, ඔවුන්ගේ මෙල්බර්න් නිවස තුළ ඇති වූ උණුසුම් ආරවුලකදී පෙරේරා තමාට පිහියක් පෙන්වා තර්ජනය කර ඇඟිල්ල සපා කෑ බව ජූරි සභාවට පැවසීය.

කෙසේ වෙතත්, චූදිත කුරේරා කියා සිටියා තමාට සිය බිරිඳ පහර දෙනු ඇතැයි බිය වූ බැවින් ආත්මාරක්ෂාව වෙනුවෙන් තමා පහර දුන් බවයි. පොලිසිය පවසා සිටියේ ලේ විලක් මැද මැරී සිටි කාන්තාවගේ සිරුරෙන් තුවාල 35ක් සොයාගත් බවයි.

වරදකරු බවට පත් වූ ශ්‍රී ලාංකිකයාට දඬුවම් ලබා දීම ඉදිරියේදී සිදු කිරීමට නියමිත බව වැඩිදුරටත් වාර්තා වෙනවා.