ජනාධිපතිවරණ ඡන්ද පත්‍රිකාව අද රජයේ මුද්‍රණාලයට

ජනාධිපතිවරණ ඡන්ද පත්‍රිකාව මුද්‍රණය සඳහා රජයේ මුද්‍රණාලයට අද භාර දෙන බව මැතිවරණ කොමිෂන් සභාව ප්‍රකාශ කළා.

එය සකස් කිරීමේ කටයුතු සිදු වන බවයි මැතිවරණ කොමිසමේ සභාපති ආර්.එම්.ඒ.එල් රත්නායක මහතා සඳහන් කළේ.

මෙවර ජනාධිපතිවරණයට ඉදිරිපත් වන අපේක්ෂකයන්ගේ සංඛ්‍යාව 39 ක්.

ඒ අනුව 2019 වසරේ පැවති ජනාධිපතිවරණයේදී මුද්‍රණය කළ ඡන්ද පත්‍රිකාවට වඩා මෙවර පත්‍රිකාව තරමක් දිගු වන බවයි සභාපතිවරයා සඳහන් කළේ.

එම ප්‍රමාණය සහ වියදම ඉදිරියේදී ප්‍රකාශයට පත් කිරීමට නියමිතයි.