ජනාධිපති අපේක්ෂකයන් 19 දෙනකු මේ වන විටත් ජනාධිපතිවරණයට අදාළව කිසිදු ප්‍රචාරක කටයුත්තක් කර නොතිබූ බව තොරතුරු අනාවරණය වී ඇති බව පැෆ්රල් සංවිධානයේ විධායක අධ්‍යක්ෂ රෝහණ හෙට්ටිආරච්චි පවසනවා.
ලංකාදීප වාර්තා කළේ ඒ සම්බන්ධයෙන් පැෆ්රල් සංවිධානය ඊයේ (10) විශේෂ අධ්‍යයනයක් ආරම්භ කර ඇති බවයි.
ඒ අතරින් ඇතැම් අපේක්ෂකයින් පක්ෂ කාර්යාලයක් හෝ ඉදිකර නැතැයි තොරතුරු අනාවරණය වී ඇති අතර සිය ප්‍රතිපත්ති ඉදිරිපත් කිරීම සඳහා ගුවන් කාලය ලබාගෙන ඇත්තේ ද අපේක්ෂකයන් දස දෙනෙකු පමණක් බව ද රෝහණ හෙට්ටිආරච්චි පෙන්වා දෙනවා.
ඉතිහාසයේ වැඩිම අපේක්ෂකයන් සංඛ්‍යාවක් ඉදිරිපත්ව ඇත්තේ මෙවර ජනාධිපතිවරණය සඳහායි.
අපේක්ෂකයින් 38 දෙනෙකු මෙවර මැතිවරණයට ඉදිරිපත්ව සිටින අතර ඒ අතරින් දැනට ප්‍රචාරක කටයුතුවල සක්‍රීයව දායකව සිටින්නේ 10 දෙනෙකු පමණක් බව වැඩි දුරටත් සඳහන්.
English