පාතාල සමිඳු කළ තවත් අපරාධයක් හෙළිවෙයි

සංවිධානාත්මක අපරාධකරුවෙකු වන ගණේමුල්ල සංජීව ඝාතනයට සම්බන්ධ වෙඩික්කරු වන 27 හැවිරිදි සමිඳු දිල්ෂාන් පියුමංග කඳනාරච්චි යන සැකකරු විසින් සිදුකළ තවත් අපරාධයක් අනාවරණය කර ගැනීමට පොලිසිය සමත් වී තිබෙනවා.

අදාළ සැකකරු 2024.12.13 වන දින කඳාන පොලිස් වසමේ වීදී මාවත ප්‍රදේශයේ පිහිටි නිවසකට ටී 56 වර්ගයේ ගිනිඅවියකින් වෙඩි තබා පළා යාමේ සිද්ධියට සම්බන්ධ වෙඩික්කරු බවද අනාවරණය වී තිබෙනවා.

එම වෙඩි තැබීම ද විදෙස්ගතව සිටින සංවිධානාත්මක අපරාධකරුවෙකුගේ මෙහෙයවීම මත සිදුකර ඇතැයි සඳහන්.

කොළඹ අපරාධ කොට්ඨාසය මේ පිළිබඳ වැඩිදුර විමර්ශන සිදුකරන අතර ඔහුව මේ වනවිට දින 90ක රැඳවුම් නියෝග මත රඳවා තබාගෙන කොළඹ අපරාධ කොට්ඨාසය මඟින් විමර්ශන සිදුකෙරෙනවා.