ෆොටෝ ගත්තැයි උරණ වූ හෝටල් හිමිකරු තරුණයාට පොල්ලකින් ගහලා: අසාධ්‍යයි!

නරුමයෙකු ලෙසින් ක්‍රියාකළ හෝටල් හිමිකරුවෙකු කළ පහරදීමකින් රත්නපුර ප්‍රදේශයේ තරුණයෙකුට බරපතළ තුවාළ සිදුවී අසාධ්‍ය තත්වයකට පත්වීමේ පුවතක් කහවත්ත-වැල්ලඳුරෙන් වාර්තා වෙනවා. මෙම ප්‍රහාරය එල්ල කළ හෝටලයේ හිමිකරු වන වැල්ලඳුර ඉන්දික හෝටලයේ හිමිකරු ඉන්දික නමැත්තා ලබන ජනවාරි 9 වැනි දා දක්වා රක්ෂිත බන්ධනාගාරගත කළ බවයි පොලිස් ආරංචිමාර්ග පවසන්නේ.

පොලු ප්‍රහාරය නිසා මොළයට හානි සිදු වූ තරුණයා මේ වන විට රත්නපුර ශික්ෂණ රෝහලේ දැඩි සත්කාර ඒකකයේ ප්‍රතිකාර ලබන බවයි සඳහන් වන්නේ.

මෙම සිදුවීම සම්බන්ධයෙන් පහර කෑ තරුණයාගේ සහෝදරයා ෆේස්බුක්හි පළ කළ සටහන පහත දැක්වෙනවා.

2024 December 14 ( උඳුවප් පෝය ) දවසෙ
මම මගේ මල්ලිලගෙ Staff එකේ අයත් එක්ක කාර් දෙකේ උඩවලව , චන්ද්‍රිකා වැව පැත්තෙ Trip එකක් ගියා .
යද්දි අපි උඩවලවට ගිහින් ඇඹිලිපිටිය Town එකෙන් කෑම ඇරගෙන තමා ගියෙ චන්ද්‍රිකා වැව ගාව කාලා නාලා එනවා කියල හිතාගෙන .
හදිස්සි කාරයෝ තුන්නෙක් කන්නෙම නැතුව නාන්න ගියා .අනිත් හත් දෙනා කෑවත් නාන්න ගියෙ නෑ එකපාරටම වහින්න ගත්ත නිසා .
අනික හවස් වෙලා තිබුන හින්දා .
වැස්ස නිසා කාපු නැති අයට කන්න තැනක් තිබුනෙ නැති නිසා ඔක්කොම එක්ක ආයෙත් එන්න ආවේ .
ඒ එද්දි හවස 6.30 ට විතර ඔක්කොටම බඩගිනී කියල තේ බොන්න කඩේක නවත්තමු කියල ‘ ඇල්ලගෙවත්ත ‘ හරියෙ
‘ ඉන්දික Hotel ‘ කියල එකක නැවැත්තුවේ .
ඔක්කොම එක්ක ආප්පයි , shorteats මොනා හරි කමු කියල කන්න ලෑස්ති වෙද්දි නාපු නිසා කන්න බැරි උන දෙන්නෙක් අරගෙන ගිය කෑම එකක් ඉතුරු නිසා කන්න හැදුවා . ඒක කන්න හදනව දැකලා කඩේ හිටපු මිනිහා ‘ පිටින් ගෙනත් මේකෙ කන්න එපා . තොපි තේ බොන්නත් එපා ‘ කියල “පෝය දවස වෙලත්” ඌයි උගෙ ගෑනියි අපි ඔක්කොමලව බැනල ගත්තා .
අපි ඔක්කොම එන්න ආයෙත් කාර් දෙකට නැග්ගටත් පස්සෙ උන් ගැන social Media Bad Review එකක් දාන්න ඕනි කියලා උන්ගෙ Hotel එකෙයි උන්දෙන්නගෙයි පොටෝ එකක් ගහන් එන්නම් කියල මල්ලි කාර් එකෙන් බැහැලා ගියේ .
ඒක දැකපු ඒ මිනිහා එකපාරටම කඩේ ඇතුලට දුවගෙන ගිහින් අඩි තුනක විතර පොල්ලක් හංගගෙන ඇවිත් තියාගෙන ඉඳලා .
පොටෝ ගහනවා දැක්ක ගමන් ඒ ගෑනි පැනලා මල්ලිගෙ ඇඟේ එල්ලෙනවත් එක්කම ඒ මිනිහා ඒ තඩි පොල්ලෙන් මල්ලිගෙ ඔලුවට ගැහුවා අපි කාටවත් ලඟට යන්නවත් උනේ නෑ අපි කව්රුත් එහෙම දෙයක් හිතුවෙවත් නැති නිසා .
මල්ලි එහෙම්මම බිම වැටුනා ඒ මිහිහා ආයෙත් මල්ලිට ගහයි කියල මම මුලින්ම දුවගෙන ගිහින් ඇඟට පැනලා අල්ලගත්තා .
ඒ වෙලාවෙ මිනිහට පොල්ල අත ඇරුනා .
ඒත් එක්කම අනිත් අය මල්ලිව ඇරගෙන Hospital එකකට එන්න හැදුවත් එයාලට එයාව උස්සගන්න අමාරු නිසා මමත් අර මිනිහව අත ඇරලා මල්ලිව ඇරන් එන්න උදව් කරන්න නැගිට්ටෙ .
මල්ලිව ඇරන් එන්න හැදුවත් අර තිරිසනා කඩේම තිබුන යකඩ පුටුවක් ඇරන් අපිට ගහන්න ගත්තා .
ඒ වෙලාවේ මගෙ කරේ තිබුන පවුම් එක හමාරක විතර රත්තරන් මාලෙ කෑල්ලක් , පවුම් බාගෙකට චුට්ටක් අඩු මගෙ නම ගහපු Pendant එක ඒ කඩේම වැටිලා
යකඩ පුටුවෙන් ගහද්දි මගේ වම් කකුලට
දකුනු කකුලට පපුවේ තුවාල උනා කොහොම හරි මල්ලිවත් ඇරගෙන කාර් එකට දාගෙන ආවේ කොහේ හරි Hospital එකකට යන්න .
ඒ වෙලාවෙත් මල්ලිට සිහියක් කල්පනාවක් තිබුනෙ නෑ .
කොහොම හරි අපි ටිකදෙනෙක් එකකාර් එකක නැගලා මල්ලිවත් දාගෙන ඉක්මනටම ආවේ ලඟම තිබුන කහවත්ත Hospital එකට . ඒ වෙද්දිත් මල්ලිට හරියට සිහියක් තිබුනෙ නැති නිසා එහෙ Hospital එකෙන් ඉක්මනට රත්නපුර Hospital එකට Ambulance එකකින් එව්වා . අපි මල්ලිගේ පන බේරගන්න දඟලන වෙලාවෙ අර තිරිසන් මිනිහයි උගෙ ගෑනියි පොලීසියෙ ගිහින් පැමිනිල්කක් දාලා ඉස්පිරිතාලෙ නැවතිලා . අපි උන්ට ගැහුවා කියල .

මල්ලිව කහවත්තෙන් රත්නපුරේ Hospital එකට ගෙනත් ඔලුවේ Scan එකක් කලාට පස්සෙ ඇතුලෙ ලේ ගැලීමක් තියෙනවා කියල පැය 3 ක විතර Surgery එකක් කලා .
පැය 24 කින් වගේ ආයෙත් Scan එකක් කරලා තත්වෙ කොහොමද කියල බලලා ඉස්සරහට මොනාද කරන්නෙ කියල තීරනය කරන්න
ඕනි කියල Surgery එක කරපු Doctor කිව්වේ . මම මේ Post එක Type කරන වෙලාවෙත් මල්ලි ඉන්නෙ ICU එකේ .

මල්ලි මම වගේ කේන්ති ගන්න රණ්ඩුවලට පැටලෙන කෙනෙක් නෙවෙයි කියල ඔයාලා අපිව අඳුරනවා නම් දන්නවා ඇති .
කවදාවත් කාටවත් ඉරිසියා කරන වෛරකරන නරක කෙනෙක් නෙවෙයි වගේම එයා ඕනි කෙනෙක් ට ඕනිම වෙලාවක උදව් කරන කෙනෙක් කියල ත් ඔයාල දන්නවා ඇති පාරෙ සතෙක් හිටියත් ඌට කඩේකින් බිස්කට් පැකට් එකක් හරි ඇරන් දීලා කන්න දෙන තරම් හොඳම මනුස්සයෙක් එයා .

පොලීසිය උසාවිය සාදාරණයි නම් අර තිරිසන් ගෑනිටයි මිනිහටයි නීති මගින් ගන්න පුලුවන් උපරිම ක්‍රියාමාර්ග ගනී කියල බලන් ඉන්නවා .

කාටවත්ම කරදරයක් නැතුව අපේ පව්ලෙ හැමෝම ජීවත් වෙන්නෙ .
මම ඔයාලගෙන් ඉල්ලන්නෙ
ඒ වගේ තිරිසන්නුන්ගෙ කඩවලට යන්න එපා
( මල්ලි උන්ගෙ කඩේ ගත්ත පොටො එකකුත් පහලින් දාන්නම් )

කෝල් ඇරන් මැසේජ් දදා ඒ සිද්දිය ආයෙ ආයෙත් මතක් කරන්න එපා ඒකෙන් වෙන්නෙ අපේ පව්ලේ අයගෙ හිත තවත් රිදෙන එක මානසිකව වැටෙන එක විතරයි .

‘ පුලුවන් තරම් ඉක්මනටම හිටියටත් වඩා හොඳට කිසිම ආබාදයක් නැතුව ඉක්මනටම මගේ මල්ලිට සනීප වෙන්න කියල ප්‍රාර්තනා කරන්න . ආශිර්වාද කරන්න. බාරයක් වෙන්න , පඬුරක් ගැටගහන්න , බෝදිපූජාවක් තියන්න . ඔයාලා අදහන ආගමකින් , අදහන දෙවියෙක් ගෙන් ඉල්ලන්න පුලුවන් ඉක්මනට මගෙ මල්ලිව හොඳටම හොඳ වෙන්න කියල .

Share කරල උදව්වක් කරන්න තවත් කවුරුම හරි මගෙ මල්ලිට ඉක්මන් සුවය ප්‍රාර්තනා කරාවි .

Bharatha Wickrama Arachchi ඉක්මනට ඔයා සනීප වෙලා එනකල් ඔයාගෙ අයියා බලාගෙන ඉන්නවා

මගේ මල්ලිට ඉක්මන් සුවය ප්‍රාර්තනා කරන ඔයාලට ගොඩාක් ස්තූතියි !
තෙරුවන් සරණයි !