සංචාරක නවසීලන්ත කණ්ඩායම සහ ශ්‍රී ලංකා කණ්ඩායම ගාල්ල ජාත්‍යන්තර ක්‍රිකට් ක්‍රීඩාංගණයේ පැවැත්වෙන පළමු ටෙස්ට් තරගයේ තුන්වන දිනය ඊයේ නිමා වූ අතර අද දිනය විවේකී දිනයක් ලෙස නම් කර තිබෙනවා.
ඒ අද දින පැවැත්වෙන ජනාධිපතිවරණය හේතුවෙන්.
කෙසේ වුවත් හෙට සහ අනිද්දා දෙදින තුළ සුපුරුදු පරිදි තරඟය පැවැත්වීමටයි සැලසුම් කර ඇත්තේ.
ඊයේ තරඟය අවසන් කරන විට සිය දෙවන ඉනිම ක්‍රීඩා කරන ශ්‍රී ලංකා කණ්ඩායම කඩුලු 04 ක් දැවි ලකුණු 237 ක් ලබා සිටියා.
එහිදී දිමුත් කරුණාරත්න ලකුණු 83 ක් සහ දිනේෂ් චන්දිමාල් ලකුණු 61 ක් ලබා ගත්තා.
ශ්‍රී ලංකාව පළමු ඉනිමට ලකුණු 305 ක් රැස් කළ අතර, නවසීලන්ත පළමු ඉනිම ලකුණු 340 කට සීමා වුණා.