ගෝඨාට නොතීසි – හේතුව මෙන්න

යාප­නය මිරු­සු­වි­ල්හිදී කුඩා ළම­යකු ඇතුළු සාමාන්‍ය වැසි­යන් 8 දෙනකු 2000 වස­රේදී මරා­දැ­මීමේ චෝද­නා­වට මරණ දඬු­වම් නිය­මව සිටි යුද හමුදා සැර­යන් සුනිල් රත්නා­ය­කට ජනා­ධි­පති සමාව දීම සම්බ­න්ධ­යෙන් අධි­ක­ර­ණය හමුවේ කරුණු දක්වන ලෙස දන්වා හිටපු ජනා­ධි­පති ගෝඨා­භය රාජ­පක්ෂ මහ­තාට නියම කර­මින් නොතීසි දන්වා යැවී­මට ශ්‍රේෂ්ඨා­ධි­ක­ර­ණය ඊයේ (17) තීර­ණය කළේය.

එසේම එකී සිද්ධිය සම්බ­න්ධ­යෙන් කරුණු ඉදි­රි­පත් කරන ලෙස නියම කර­මින් යුද හමුදා සැර­යන් සුනිල් රත්නා­ය­ක­ටද නොතීසි යැවී­මට නියම කෙරිණි.

මහා­ධි­ක­ර­ණය විසින් පන­වන ලද මරණ දඬු­වම ශ්‍රේෂ්ඨා­ධි­ක­ර­ණය විසින්ද තහ­වුරු කර තිබි­ය­දීත් ගෝඨා­භය රාජ­පක්ෂ මහතා ජනා­ධි­ප­ති­ව­රයා ලෙස කට­යුතු කරද්දී එම හමුදා නිල­ධා­රි­යාට සමාව දීමට එරෙ­හිව ගොනු කළ පෙත්ස­මක් කැඳවූ අව­ස්ථාවේ පෙත්සම් කාර පාර්ශ්වය කළ ඉල්ලී­ම­කට අනුව මෙලෙස නොතීසි නිකුත් කිරී­මට තීර­ණය කෙරිණි.

විකල්ප ප්‍රති­පත්ති කේන්ද්‍රයේ විධා­යක අධ්‍යක්ෂ ආචාර්ය පාක්‍ය­සෝති සර­ව­න­මුත්තු මහතා විසින් මෙම පෙත්සම ගොනු කර තිබුණු අතර, යසන්ත කෝදා­ගොඩ සහ අචල වෙංග­ප්පූලි යන මහ­ත්ව­රු­න්ගෙන් සම­න්විත ශ්‍රේෂ්ඨා­ධි­ක­රණ විනි­සුරු මඬු­ල්ලක් ඉදි­රියේ මේ පෙත්සම කැඳ­වනු ලැබිණි.
මේ පෙත්සමේ වග උත්ත­ර­ක­රු­වන් ලෙස නම් කර සිටින හිටපු ජනා­ධි­පති ගෝඨා­භය රාජ­පක්ෂ සහ ජනා­ධි­පති සමාව ලබා නිද­හස් වූ යුද හමුදා සැර­යන් සුනිල් රත්නා­ය­කට මේ පෙත්සම සම්බ­න්ධ­යෙන් අධි­ක­ර­ණය හමුවේ කරුණු දක්ව­න්නැයි දන්වා නොතිසි නිකුත් කිරී­මට අව­සර දෙන ලෙස
එහිදී පෙත්ස­ම්කාර පාර්ශ­වය වෙනු­වෙන් පෙනී සිටි ජනා­ධි­පති නීතිඥ එම්.ඒ. සුම­න්ති­රන් මහතා සඳ­හන් ඉල්ලා සිටි­යේය.
මේ ඉල්ලී­මට අව­සර දීමට විනි­සුරු මඬුල්ල තීර­ණය කළේය. කරුණු තහ­වුරු කිරීම සඳහා පෙත්සම සැප්තැ­ම්බර් 4 දා කැඳ­වන ලෙස නියම කෙරිණි.

2000 වසරේ දෙසැ­ම්බර් මස යාප­නයේ උතුරු මිරි­සු­විල් හිදී කුඩා ළම­යකු ඇතුළු දෙමළ ජාති­ක­යින් පිරි­සක් ඝාත­නය කිරීම ඇතුළු චෝදනා 19ක් යටතේ සුනිල් රත්නා­යක ඇතුළු හමුදා නිල­ධා­රීන් පස්දෙ­න­කුට එරෙ­හිව නීති­ප­ති­ව­රයා විසින් මහා­ධි­ක­ර­ණය හමුවේ නඩු පවරා තිබිණි. ඒ නඩුව විභාග කළ ත්‍රිපු­ද්ගල විනි­සුරු මඬුල්ල වසර 12ක දීර්ඝ නඩු විභා­ග­ය­කින් පසු 2017 මැයි 20 දා එහි තීන්දුව ප්‍රකාශ කර­මින් සුනිල් රත්නා­යක චෝද­නා­ව­ලට වර­ද­කරු බව තීර­ණය කර මරණ දඬු­වම නියම කළේය. එයට එරෙ­හිව සුනිල් රත්නා­යක නමැත්තා ගොනු කළ ඇපෑල විභාග කළ පංච පුද්ගල ශ්‍රේෂ්ඨා­ධි­ක­රණ විනි­සුරු මඬු­ල්ලද මහා­ධි­ක­රණ තීන්දුව තහ­වුරු කර­මින් ඇපෑල නිෂ්ප්‍රභ කළේය. අන­තු­රුව මර­ණීය දණ්ඩ­නය සියම වී සිටි සුනිල් රත්නා­ය­කට 2020 වසරේ මාර්තු 26 දා ජනා­ධි­පති සමාව පිරි­නැ­මීම සිදු විය.

පෙත්සම්රු කියා සිටින්නේ ආණ්ඩු­ක්‍රම ව්‍යව­ස්ථාවේ 34 වැනි වග­න්තිය යටතේ අධි­ක­ර­ණය විසින් වර­ද­කරු කරනු ලබන පුද්ග­ල­යන්ට සමාව ප්‍රදා­නය කිරී­මට ජනා­ධි­ප­ති­ව­රයා වෙත බලය පැවරී තිබෙන බවයි. ඒ සමාව ප්‍රදා­නය කිරී­මේදී ජනා­ධි­ප­ති­ව­රයා විසින් අනු­ග­ම­නය කළ යුතු නීති­මය පටි­පා­ටි­යක් පව­තින නමුත් මේ වර­ද­ක­රුට ජනා­ධි­පති සමාව ප්‍රදා­නය කිරී­මේදී ඒ ක්‍රියා­ව­ලිය අනු­ග­ම­නය කර නැති බවට පෙත්සම මගින් පෙන්වා දී ඇත. එබැ­වින් ඔහු නිද­හස් කිරී­මට හිටපු ජනා­ධි­පති ගෝඨා­භය රාජ­පක්ෂ මහතා කට­යුතු කිරීම සම්පූ­ර්ණ­යෙන්ම නීති­යට පට­හැනි බව පෙත්ස­මෙහි සද­හන් වේ. මේ ක්‍රියා­වෙන් සිය මූලික අයි­ති­වා­සි­කම් කඩ වන බව සඳ­හන් කර­මින් මේ මූලික අයි­ති­වා­සි­කම් පෙත්සම් ගොනු කර තිබිණි.