පසුගිය දිනක රාත්‍රියක ඉතාලි අගනුවර නේවාසික ගොඩනැගිල්ලක පිහිටි නිවෙසකට ඇතුළු වී සොරකමේ ගිය පුද්ගලයෙකු එහි කුටියක තිබූ ග්‍රීකයේ මහා කවි හෝමර් විසින් ඉලියඩ් වීර කාව්‍ය කෘතිය දැක නිවෙසේ සඳළුතලයට වී එය කියවමින් සිටියදී ඔහු හසු වී ඇති බව විදෙස් මාධ්‍ය වාර්තා කර තිබෙනවා.
38 හැවිරිදි මේ පුද්ගලයා සඳළුතලයට වී පොතක් කියවමින් සිටිනු ගෙහිමියා දැක ඇති බවයි වාර්තා වන්නේ
අනතුරුවඔහු ඒ බව පොලිසියට දැනුම් දී තිබෙනවා.
ගෙහිමියා දැකීමෙන් පසු එම සඳළුතලයෙන් පැන පලායෑමට උත්සාහ කළ සොරා පොලිස් නිලධාරීන් විසින් අත්අඩංගුවට ගනු ලැබූ බවයි විදෙස් මාධ්‍ය වැඩිදුරටත් වාර්තා කළේ.
මේ පුවත පිළිබඳ තොරතුරු වාර්තාවීමෙන් පසු එම කෘතිය ඉතාලි බසට පරිවර්තනය කරනු ලැබූ ලේඛකයා ප්‍රකාශ කර ඇත්තේ සොරාට එය අවසානය වනතෙක් කියැවීමට නොහැකි වූ බැවින් පොතේ පිටපතක් ඔහුට යැවීමට කටයුතු කරන බවයි..
English