පවතින විදේශ ගමන් බලපත්‍ර හිඟය හේතුවෙන් හදිසි අවශ්‍යතා ඇති අය පමණක් පැමිණෙන ලෙස රජයේ ප්‍රකාශක අමාත්‍ය විජිත හේරත් ඉල්ලා සිටියද බත්තරමුල්ල විදේශ ගමන් බලපත්‍ර කාර්යාලයේ අදත් දිගු පෝලිම් වාර්තා වුණා.
ඊයේ (29) මාධ්‍ය වෙත අදහස් දක්වමින් අමාත්‍යවරයා කියා සිටියේ නව විදේශ ගමන් බලපත්‍ර කොටස් වශයෙන් ලැබෙන බව සහ නොවැම්බර් මැද භාගයේදී විදේශ ගමන් බලපත්‍ර ලක්ෂයක තොගයක් අපේක්ෂා කරන බවයි.
හදිසි අවශ්‍යතා ඇති අයට පමණක් විදේශ ගමන් බලපත්‍ර කාර්යාලයට පැමිණෙන ලෙස ද ඔහු ඉල්ලා සිටියා.
කෙසේ වෙතත්, තමන් විදේශ ගමන් බලපත්‍ර කාර්යාලයේ සිටින්නේ අත්‍යාවශ්‍ය අවශ්‍යතා ඇති නිසා පමණක් බව පවසමින් අමාත්‍යවරයාගේ ඉල්ලීම මහජනතාවගේ විවේචනයට ලක් වුණා.
මේ වන විටත් නිසි ක්‍රමවේදයක් ක්‍රියාත්මක නොකිරීමේ ප්‍රතිඵලයක් ලෙස විදේශ ගමන් බලපත්‍ර කාර්යාලයේ අවුල් සහගත තත්ත්වයක් උද්ගත වී ඇති බවයි සමහර දෙනෙක් ප්‍රකාශ කළේ.
English